Komunak

Betidanik esan da neskak binaka sartzen direla komunera. Lagun artean dibertigarriagoa omen da, baina tupustean suertatzen denean, horrela al da? Nekanek Mirenekin topo egiten du jatetxe bateko komun batean. Eskola berean ikasitakoak ei dira, eta Nekanek Miren gogoratzen ez badu ere, pixagurak bultzatuta, haren proposamena onartu eta elkarrekin sartuko dira komunera. Hor barruan gertatuko dena bizitzaren isla zorrotza izango da.