MURAL BERRI BATEK ONGIETORRIA EMATEN DIZU PABELLÓN 6ERA
Bost emakume aktoreren irudia duen mural batek Pabellón 6era ongietorria egiten du. Oihal gorriaren atzean, maskara zuridun bost aktoreak, eszenara ateratzear, publikoa noiz iritsiko zain daude.
Murala María Casanuevak diseinatu eta margotu du, Pabellón 6eko Antzerki Laborategiko eta Gazte Konpainiako azken ekoizpenen eszenografia eta atrezzo askoren arduradunak.
Neurri handia duen lan hau, Pabellón 6era hurbiltzen zarenean parke inguruko sarreratik ikus daiteke.
Estetika berarekin jarraituz, sarrera nagusirako horma-irudia eta 2023-24 denboraldiko lehen hilabeteetako programazioa jasotzen duten liburuxkak ere diseinatu egin dira.
Horrela, 13. denboraldia irudi berri batekin hasiko dugu, eta urte hauetan Pabellón 6etik igaro diren aktore asko ezagutuko ditugu irudiotan.
