HAMAR URTEKO ESZENA GAZTEA. GAZTE KONPAINIAK 10 URTE
Pabellón 6eko Gazte Konpainiaren 10. promozioa EL DESPERTAR DE LA PRIMAVERA antzezlana estreinatzear da, eta, horrela, 10 urteko ibilbidea beteko du. Momentu aproposa da atzera begiratu eta Euskadiko arte eszenikoen panorama eraldatu duen proiektu baten historia ezagutzeko.
Jatorria: Profesionalizaziorako zubia
Hazia 2015ean landatu zen, Ramón Barearen ekimena izan zen eta Pabellón 6eko taldearen erabateko babesa izan zuen. Plataforma aitzindaria, asmo handiko eta beharrezko eginkizuna zuena — eta oraindik ere badena —: arte eszenikoetako talentu gazteei benetako lehen esperientzia profesionala eskaintzea.
Prestakuntza akademikoaren eta lanbide-jardunaren arteko aldea amildegia izaten den sektore batean, Gazte Konpainiak zubi gisa jokatzen du. Hemen, jokalari gazteek harreman zuzena dute lanbidearekin, beteranotasun handiko taldeen eskutik.
Bilboko Udalaren eta Lanbideren laguntzari esker, proiektu hau pedagogikoa ez ezik, lan aldetik duina ere bada, eta artistek soldata bat jaso dezakete taulen gaineko lengoaiak ikertu, sortu eta trukatzen dituzten bitartean.
Zifrak eta belaunaldi baten ahotsak
Hamarkada honetan zehar, erantzuna izugarria izan da. Urteroko deialdi bakoitzak hainbat eskolatako ehun hautagai baino gehiago erakartzen ditu, belaunaldi berriek beren istorioak kontatzeko duten irrika berretsiz. Pozgarria da Pabellón 6ean jasotzea eta beren istorioak kontatzeko gogoa, ilusioa, indarra eta irrika ikustea.
58 antzezle izan dira hamar promozio horietan. Besteak beste, Ramón Barea, Felipe Loza, Getari Etxegarai, Borja Ruiz, Beatriz Velilla, Saioa Iribarren, Itziar Lazkano, Rakel Rodríguez Ruiz eta Adriana Laespada izan dira prozesuen gidariak. Proposamen artistikoak eklektikoak izan dira: testu klasikoetatik hasi eta sorkuntza kolektibo eta ekoizpen elebidunetaraino; clown-ean, antzerki fisikoan, keinu-antzerkian eta abangoardia garaikidean zehar ibili dira.
Gazte Konpainiaren muntaiak biran atera dira, Euskadiko antzokietan zehar, eta batzuek boloren bat ere egin dute estatu-mailan. Gainera, ikuskizun gehienak behin edo gehiagotan berriro antzeztu dira Pabellón 6en.
Etengabeko Bilakaeran dagoen Espazio Propioa
2020ko irailean, Gazte Konpainiak egoitza ireki zuen, eta urtebete eman zuen martxan, harik eta eraikinaren obrak hasi zituzten arte. Eta 2025eko urrian, Gazte Konpainiaren egoitza berria inauguratu zen, birgaitze sakon baten ondoren. 2026. urte honetan, Pabellón 6eko eraikin nagusiko lanak amaitzen diren bitartean, espazioa berezko nortasuna duen sorkuntza-epizentro gisa finkatu da. Udalaren jabetzako eta kudeaketa pribatuko bi areto izango dira.
Ondarea: Hamar urteko ekoizpena
Gazte Konpainian ibilitako kideek sortutako sei proiektu independente bultzatzeaz gain (EN STANDBY, TODO SALDRÁ BIEN, REY DESNUDO Y CHICO MUERTO, AQUEL LUGAR DE NUESTRA INFANCIA, CÓMO DOMÉ UN CARACOL EN TUS SENOS y MURO DE PIEDRA), Gazte Konpainiak hamarkada bat sinatu du ekoizpen ofizial gogoangarriekin:
ROMEO Y JULIETA (2016): Shakespeare Nerudaren begiradapean eta Ramón Barearen zuzendaritzapean. Antzezle protagonistak: Sara Barroeta, Iker Legarda, Ander Iruretagoiena, Ainhoa Etxebarria, Ioritz Benito, Ainhoa Artetxe, Nerea Elizalde, Koldo Olabarri eta Tania Fornieles..
ABORIGENAK. LORCA, DALÍ BUÑUEL / LORCA, DALÍ, BUÑUEL. LOS ABORIGENES (2017): Bidaia ikasleen egoitzara. Bertan, hiru gaztek, Lorca, Dali eta Buñuelek, txantxen eta egien artean, kultura-paradigma aldatu zuten, eta, haien gisako beste batzuekin, munduko artea betiko irauli zuen iruditeria bat eraiki zuten. Felipe Lozak idatzi eta zuzendu du, eta honako hauek dira protagonistak: María Cerezuela, Ainara Aristegui, Unai Elizalde, Eneritz García, Kepa García, Josh Ortiz de Zarate, Nahikari Rodríguez, Daniel Solaguren eta Yeray Vázquez.
MI ÚLTIMO BAILE (2018): Askatasun oihua eta Mirabal, Las Mariposas ahizpei, omenaldia. Hil arte borrokatu ziren emakumeen eta beren herriaren eskubideak defendatuz, horrela, martiri eta heroi bihurtuz. Haren omenez, azaroaren 25ean, Emakumeenganako Indarkeriaren aurkako Nazioarteko Egunean, haren hilketaren urteurrena ospatzen da. Getari Etxegaraik zuzendutako sorkuntza kolektiboa, Nahikari Rodríguez, Sara Barroeta, Grace Dóniz, Tania Fornieles, Sandra Tejero, Unai Elizalde, Pelayo Serrano, Kepa Alesso eta Yeray Vázquez protagonista dituena.
ZER GERTATU OTE ZITZAION ANA GARCIARI? / ¿QUÉ FUE DE ANA GARCÍA? (2019): Desberdinarekiko indarkeriari buruzko hausnarketa zorrotza, Javier Liñerak idatzia, Borja Ruizek zuzendua eta Ainhoa Artetxe Uriarte, Nagore Cenizo-Arroyo, Graciela Doniz, Itxaso Gil, Jontxu Martinez Zarrabeitia, Aritz Mendiola, Leire Ormazabal, Pelayo Serrano eta Aitor Vildosola Gutiérrez protagonista dituena.
UBU, FINANTZEN ERREGE / UBU, REY DE LAS FINANZAS (2020): Boterearen aurkako satira gupidagabea. Ramón Bareak Alfred Jarryren testuaren Raúl Quirós Molinaren bertsioa zuzendu zuen, eta Kepa Alesso, Alazne Astorga, Aitor Echarte, Alex Gibaja, Diana Irazabal, Sandra Martín Gómez, Arnatz Puertas eta Leire Ormazabal dira protagonistak.
MIGRAAAANTES (2021): Absurdua eta ironia migrazioaren tragedia humanitarioaren aurrean. Matei Visniec-en testu bat, Evelio Miñanok itzulia, Beatriz Velillak zuzendua eta Ioritz Benito, Nagore Cenizo-Arroyo, Albar Cirarda, Lara Pérez, Ander Sánchez Rey eta Olfa Sendesni protagonista dituena.
KOMEDIA MADARIKATUA / DIVINA TRAGEDIA (2023): Giza ergelkeriari eta gerrari buruzko ispilu jokoa. Saioa Iribarren Muñozek zuzentzen zuen Tomás Afán Muñozen testua, eta Silvia Larrauri de Miguel, Luix Mitxelena Mitxelena, Andrea Mora Ahedo, Uxue Fuertes Vega, Ziggy Docherty Sánchez eta Aitzol Villahoz Prieto dira protagonistak.
EGUN ZORAGARRIAK / DÍAS ESTUPENDOS (2024): Alfredo Sanzolen testu baten udako freskura eta sentsualitatea, Itziar Lazkanok zuzendua eta Gorka Luna, Izar Pizarro, Itxaso Sanchez, Omar Somai, Markel Vázquez eta Sofía Zallio protagonista dituena.
CINCO GOLONDRINAS (2025): Eskuragarritasunaren eta sentsorialtasunaren aldeko apustu poetikoa. Dramaturgia eta zuzendaritza Rakel Rodriguez Ruizenak dira eta protagonistak Nerea Sanz, Nora Urdanpilleta, Markel Urrestarazu, Pino de Pablos eta Aritz Castillo.
EL DESPERTAR DE LA PRIMAVERA (2026): Zentsurari eta desirari buruzko distopia teknologikoa goraldi autoritarioaren garaian. Frank Wedekindek idatzitako testua, Adriana Laespadak modatua eta zuzendua, eta Unai Arrieta Aguirrezabalaga, Mikel González Saiz, Oier Agirre, Carlota Cacharrón, Paula Polo Aldanondo, Laura Meabe Abecia eta Teo Maiztegi protagonista dituena.
Azken finean, hamar urte geroago, Gazte Konpainiak amestu zuena izaten jarraitzen du: aire freskodun birika antzerkiarentzat eta etorkizuneko bermea gure kulturarentzat..